
Mayın 26-da Azərbaycan Respublikasının Prezidenti İlham Əliyev ilə İran İslam Respublikasının Prezidenti Məsud Pezeşkian arasında telefon danışığı baş tutub.
Realmedia.info xəbər verir ki, dövlət başçıları müqəddəs Qurban bayramı münasibətilə bir-birlərini təbrik edib, Azərbaycan və İran xalqlarına firavanlıq və ruzi-bərəkət arzulayıblar.
Telefon danışığı zamanı Məsud Pezeşkian İranın üzləşdiyi ağır günlərdə Azərbaycanın göstərdiyi humanitar yardımlara görə təşəkkürünü ifadə edib.
Prezident İlham Əliyev isə bildirib ki, Azərbaycan və İran həm xoş günlərdə, həm də çətin dövrlərdə daim bir-birinin yanında olub.
Söhbət zamanı iki ölkə arasında münasibətlərin inkişaf perspektivləri və əməkdaşlığın genişləndirilməsi məsələləri ətrafında fikir mübadiləsi aparılıb.