Azər Əmirov: "Azərbaycanda investisiyaların sığortalanması istiqamətində işlər aparılır" [xfgiven_qirmizi] [xfvalue_qirmizi] [/xfgiven_qirmizi]
Azərbaycanda investisiyaların sığortalanması ilə bağlı mühüm addımlar atılır.
Bunu Əmanətlərin Sığortalanması Fondunun Hüquq departamentinin direktoru Azər Əmirov Şamaxıda keçirilən "Milli Mətbuat Günü: dialoq və əməkdaşlıq forumu"nda çıxışı zamanı deyib.
Azər Əmirovun sözlərinə görə, hazırda bu istiqamətdə Azərbaycan Mərkəzi Bankı ilə birgə müvafiq işlər davam etdirilir.
O bildirib ki, investisiyaların sığortalanması mexanizminin formalaşdırılması üzrə aparılan proseslə yanaşı, digər mühüm layihələr də həyata keçirilir.
"Digər layihələr də var ki, onlar tamamlandıqdan sonra ictimaiyyətə daha ətraflı məlumat veriləcək", – deyə Azər Əmirov qeyd edib.
Qeyd edək ki, investisiyaların sığortalanması investorların hüquqlarının qorunması, investisiya mühitinin daha da yaxşılaşdırılması və ölkəyə kapital axınının təşviqi baxımından mühüm əhəmiyyət daşıyır.
