"İşçilərin Ezamiyyə Qaydaları"nda dəyişiklik edilib.

Realmedia.info xəbər verir ki, bununla bağlı müvafiq qərar imzalanıb.

Qüvvədə olan qaydalara əsasən, işçilərin ezamiyyət müddəti təşkilat rəhbərləri tərəfindən müəyyən edilir. Yolda sərf olunan vaxt nəzərə alınmamaqla, ezamiyyətin ümumi müddəti 40 gündən artıq ola bilməz.

Qərara edilən dəyişikliyə əsasən isə mühafizə olunan şəxslərin səfərləri zamanı təhlükəsizliyi təmin edən Azərbaycan Respublikası Dövlət Mühafizə Xidmətinin və Xüsusi Rabitə və İnformasiya Təhlükəsizliyi Dövlət Xidmətinin əməkdaşları bu məhdudiyyətə şamil edilməyəcək. Həmin əməkdaşlar ezamiyyət müddəti ilə bağlı istisna kateqoriyasına daxil ediliblər.

Dəyişikliyin məqsədi adıçəkilən dövlət qurumlarının əməkdaşlarının xidməti vəzifələrini daha çevik və fasiləsiz şəkildə yerinə yetirməsinə hüquqi şərait yaratmaqdır.