Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Sosial Müdafiə Fondu (DSMF) iyul ayı üzrə pensiya ödənişlərinin tam şəkildə başa çatdırılacağını açıqlayıb.

Qurumun yaydığı məlumata əsasən, respublika üzrə bütün pensiyaların ödənişinin iyulun 22-də yekunlaşdırılması nəzərdə tutulur.

Bildirilib ki, həmin tarixdə güzəştli şərtlərlə pensiya hüququna malik olan vətəndaşların da pensiyaları bank hesablarına köçürüləcək.

Beləliklə, iyulun 22-də həm yaşa görə, həm əlilliyə, həm də ailə başçısını itirməyə görə təyin olunan pensiyalar, eləcə də güzəştli şərtlərlə pensiya alan şəxslərin ödənişləri tam şəkildə həyata keçiriləcək.

Dövlət Sosial Müdafiə Fondu vətəndaşlara ödənişlərin bank kartları vasitəsilə əldə oluna biləcəyini xatırladaraq, pensiya köçürmələrinin müəyyən olunmuş qrafikə uyğun həyata keçirildiyini bildirib.