Masallı rayonunda çayda çimərkən ağır xəsarət alan Cəlilabad sakini xəstəxanada həyatını itirib.

Realmedia.info xəbər verir ki, hadisə bir neçə gün əvvəl Masallı rayonu ərazisindən axan çayda baş verib.

Məlumata görə, Cəlilabad rayonunun Göytəpə şəhər sakini, 2003-cü il təvəllüdlü Coşqun Şakir oğlu Quliyev çimmək məqsədilə çaya tullanan zaman boyun nahiyəsindən ağır travma alıb.

Yaralı dərhal xəstəxanaya çatdırılıb və daha sonra Bakıda yerləşən tibb müəssisələrindən birində müalicə olunub. Həkimlərin 10 gün davam edən səylərinə baxmayaraq, gəncin həyatını xilas etmək mümkün olmayıb. Coşqun Quliyev bu gün müalicə aldığı xəstəxanada vəfat edib.

Faktla bağlı araşdırma aparılır.