Prezident İlham Əliyev Qurban bayramı münasibətilə Azərbaycan xalqına təbrik ünvanlayıb.

Realmedia.info xəbər verir ki, dövlət başçısının təbrik mətni Prezidentin rəsmi saytında yayımlanıb.

Təbrikdə bildirilib ki, Qurban bayramı İslamın mənəvi-əxlaqi dəyərlərini, birlik və bərabərlik ruhunu təcəssüm etdirən müqəddəs bayramlardan biridir.

Prezident İlham Əliyev qeyd edib ki, hər il ölkəmizdə ümumxalq bayramı kimi qeyd olunan Qurban mərasimləri insanlar arasında həmrəylik, humanizm və mərhəmət duyğularını daha da gücləndirir, milli-mənəvi dəyərlərə bağlılığın təntənəsinə çevrilir.

Dövlət başçısı həmçinin şəhidlərin əziz xatirəsini ehtiramla yad edərək, xalqın və dövlətin əmin-amanlığı naminə edilən duaların qəbul olunmasını arzulayıb.

“Qurban bayramınız mübarək olsun!” – deyə Prezident İlham Əliyev təbrikində vurğulayıb.