Aprelin 14-də Bakı şəhərində (AQEM) çərçivəsində “AQEM məkanında davamlı inkişaf naminə qadınların səslərinin gücləndirilməsi” mövzusunda beynəlxalq konfransın açılış mərasimi keçirilib.

Beynəlxalq tədbirdə üzv dövlətlərin nümayəndələri, rəsmi şəxslər və müxtəlif sahələr üzrə ekspertlər iştirak edərək qadınların cəmiyyətin bütün sahələrində rolunun artırılması, gender bərabərliyinin təmin olunması və dayanıqlı inkişaf məqsədlərinə töhfə verilməsi məsələlərini müzakirə ediblər.

Konfrans çərçivəsində keçirilən panel müzakirələrdə qadın sahibkarlığının inkişafı, rəqəmsallaşma və süni intellekt dövründə qadınların imkanları, eləcə də ətraf mühit və iqlim dəyişiklikləri fonunda qadın liderliyinin əhəmiyyəti ön plana çəkilib.

Çıxış edənlər qadınların qərarvermə proseslərində daha fəal iştirakının vacibliyini vurğulayıb, bu istiqamətdə beynəlxalq əməkdaşlığın genişləndirilməsinin əhəmiyyətinə diqqət çəkiblər.
Tədbir çərçivəsində AQEM Qadınlar Şurasının ilk iclasının keçirilməsi və bu sahədə əməkdaşlığın institusional əsasda inkişaf etdirilməsi də mühüm addım kimi qiymətləndirilib.

Qeyd edək ki, Bakıda keçirilən bu konfrans Azərbaycanın beynəlxalq platformalarda fəal rol oynadığını və qadınların hüquq və imkanlarının genişləndirilməsi istiqamətində təşəbbüslərini bir daha nümayiş etdirir.