Tovuzda ana körpə qızını yaşlı qadının evində qoyaraq yoxa çıxıb [xfgiven_qirmizi] [xfvalue_qirmizi] [/xfgiven_qirmizi]
Tovuz rayonunda körpə qızın tərk edilməsi ilə bağlı hadisə baş verib.
RealMedia.info xəbər verir ki, hadisə rayon ərazisində yaşlı qadının evində baş verib. Orta yaşlı qadın həmin evə gələrək çöldə qaldığını bildirib və kömək istəyib.
Yaşlı qadın isə onu və körpə qızını evinə dəvət edib. Bir müddət sonra qadın yemək almaq bəhanəsi ilə evdən çıxaraq geri qayıtmayıb.
Hadisədən narahat olan ev sahibi dərhal hüquq-mühafizə orqanlarına məlumat verib.
Hazırda körpə Tovuz Rayon Mərkəzi Xəstəxanasına yerləşdirilib. Məlumata görə, uşağın sabah sığınacağa yerləşdirilməsi planlaşdırılır.
Faktla bağlı polis tərəfindən araşdırma aparılır.
