Bakının Suraxanı rayonunun Hövsan qəsəbəsində mağazada uçqun hadisəsi baş verib.

Realmedia.info xəbər verir ki, Fövqəladə Hallar Nazirliyinin “112” qaynar telefon xəttinə daxil olan məlumatla əlaqədar hadisə yerinə Xüsusi Riskli Xilasetmə və Dövlət Yanğından Mühafizə xidmətlərinin qüvvələri cəlb olunub.



Hadisə yerində əməliyyat şəraiti qiymətləndirilərkən mağazanın tavanının uçması nəticəsində 37 yaşlı Miriyeva Gülnar Məhəmməd qızının müxtəlif dərəcəli bədən xəsarətləri alaraq dağıntı altında qaldığı müəyyən edilib.

FHN əməkdaşları xüsusi xilasetmə vasitələrinin köməyi ilə dağıntı altında qalan qadını xilas edərək təcili tibbi yardım briqadasına təhvil veriblər.

Hadisənin başvermə səbəbləri və digər hallar aidiyyəti qurumlar tərəfindən araşdırılır.