Bakıda üçüncü yerüstü metro stansiyası 2028-ci ildə istifadəyə veriləcək [xfgiven_qirmizi] [xfvalue_qirmizi] [/xfgiven_qirmizi]
Bakıda üçüncü yerüstü metro stansiyasının istifadəyə veriləcəyi tarix açıqlanıb.
Realmedia.info xəbər verir ki, bu barədə “Bakı Metropoliteni” Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov məlumat verib.
Onun sözlərinə görə, hazırda yeni stansiyanın platformasının tikintisi yekunlaşmaq üzrədir.
“Platformanın tikintisi başa çatandan sonra digər işlərə başlanacaq. Stansiya 2028-ci ildə istifadəyə veriləcək”, – deyə Bəxtiyar Məmmədov bildirib.
Qeyd edək ki, yeni yerüstü metro stansiyası metronun “Yaşıl” xəttinin “Dərnəgül” deposunda yerləşəcək.
Hazırda Bakı Metropolitenində iki yerüstü stansiya – “Bakmil” və “Xocəsən” stansiyaları fəaliyyət göstərir.
Yeni stansiyanın istifadəyə verilməsi ilə paytaxtın metro infrastrukturunun genişləndirilməsi və sərnişindaşıma imkanlarının artırılması nəzərdə tutulur.
