Zaqatalada ağır yol qəzası: Bir nəfər öldü, daha bir nəfər yaralandı [xfgiven_qirmizi] [xfvalue_qirmizi] [/xfgiven_qirmizi]
Zaqatala rayonunda ölümlə nəticələnən ağır yol-nəqliyyat hadisəsi baş verib.
Realmedia.info xəbər verir ki, hadisə avqustun 9-da, saat 23 radələrində Qax-Zaqatala avtomobil yolunun Zaqatala rayonunun Muxax kəndi inzibati ərazisindən keçən hissəsində qeydə alınıb.
Məlumata görə, hərəkətdə olan “Opel” və VAZ-21099 markalı minik avtomobilləri toqquşub. Qəza nəticəsində VAZ-21099 markalı avtomobilin sürücüsü aldığı ağır xəsarətlərdən hadisə yerində həyatını itirib.
Qəza zamanı daha bir nəfər – Muxax kənd sakini, 21 yaşlı Ubadulla Əli oğlu Əliyev xəsarət alıb. Yaralı Zaqatala Rayon Mərkəzi Xəstəxanasının Cərrahiyyə korpusunun İkinci Təcili Tibbi Yardım şöbəsinə yerləşdirilib.
Qəzada həyatını itirən şəxsin Zaqatala Rayon İcra Hakimiyyətinin başçısının sürücüsü olduğu bildirilir.
Faktla bağlı araşdırma aparılır.
