Bərdə rayonunda baş verən ağır yol-nəqliyyat hadisəsi zamanı xəsarət alan şəxslərin vəziyyəti məlum olub.

Realmedia.info xəbər verir ki, bu barədə Tibbi Ərazi Bölmələri İdarəetmə Birliyi (TƏBİB) məlumat yayıb.

Bildirilib ki, qəza ilə əlaqədar 10 nəfər (8 kişi, 2 qadın) saat 15:10-da Bərdə Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Müxtəlif növ bədən xəsarətləri alan yaralılara zəruri tibbi xidmətlər göstərilib. Vəziyyəti stabil qiymətləndirilən iki nəfər ambulator müalicə üçün evə buraxılıb. Digər şəxslərin müalicəsi isə xəstəxananın müvafiq şöbələrində davam etdirilir. Onların vəziyyətinin orta ağır olduğu bildirilir.

Qeyd edək ki, qəza Bəhrəmtəpə–Mingəçevir avtomobil yolunun Bərdə rayonunun Bəcirəvan kəndi ərazisindən keçən hissəsində baş verib. VAZ-2115 markalı avtomobillə "Mercedes" markalı minik avtomobilinin toqquşması nəticəsində sonuncu yol kənarındakı kanala düşüb.
Hadisə nəticəsində 10 nəfər müxtəlif dərəcəli bədən xəsarətləri alıb.

Faktla bağlı araşdırma aparılır.