Ağsu rayonunda baş verən yol-nəqliyyat hadisəsində xəsarət alan iki nəfərin vəziyyəti açıqlanıb.

Realmedia.info xəbər verir ki, Ağsu Rayon Mərkəzi Xəstəxanasından bildirilib ki, qəza nəticəsində xəsarət alan iki nəfər 02.04.2026-cı il tarixində saat 00:30-da xəstəxanaya gətirilib.

Müxtəlif bədən xəsarətləri alan pasiyentlərə zəruri tibbi xidmətlər göstərilib və hazırda onların müalicəsi davam etdirilir, vəziyyətləri stabildir.

Hadisə gecə saatlarında rayonun Qiyaslı kəndi ərazisində qeydə alınıb. Rayon sakini, 2006-cı il təvəllüdlü Sadiq Ağasəf oğlu Paşayev "Mercedes" markalı avtomobilə idarəetməni itirib və nəqliyyat vasitəsi aşıb.

Hadisə zamanı sürücü və avtomobildə olan sərnişin, Ağsu rayonunun Kəndoba kəndi sakini, 2008-ci il təvəllüdlü Qəribxan Gülxan oğlu Hüseynzadə müxtəlif dərəcəli bədən xəsarətləri ilə xəstəxanaya yerləşdirilib.
Faktla bağlı araşdırma aparılır.