Naxçıvanda ağır yol qəzası: avtomobil su kanalına aşıb, yaralılar var [xfgiven_qirmizi] [xfvalue_qirmizi] [/xfgiven_qirmizi]
Naxçıvanda yol-nəqliyyat hadisəsi baş verib, nəticədə bir neçə nəfər xəsarət alıb.
Hadisə Naxçıvan–Ordubad magistral yolunun 30-cu kilometrliyində qeydə alınıb. Məlumata görə, 72-BF-530 dövlət qeydiyyat nişanlı “Renault Megane” markalı minik avtomobili sürücünün idarəetməni itirməsi nəticəsində yoldan çıxaraq su kanalına aşıb.
Qəza nəticəsində avtomobildə olan Ramin Əliyev, Nəcibə Əliyeva, Sevinc Əliyeva və Aysel Əliyeva müxtəlif dərəcəli bədən xəsarətləri alıblar. Yaralılar dərhal Naxçıvan Muxtar Respublika Xəstəxanasına yerləşdirilib və onlara tibbi yardım göstərilib.
Hadisə yerinə hüquq-mühafizə orqanlarının əməkdaşları cəlb olunub. Faktla bağlı araşdırma aparılır.
