Suraxanıda quyuya düşən şəxs xilas edilib [xfgiven_qirmizi] [xfvalue_qirmizi] [/xfgiven_qirmizi]
Suraxanı rayonu, Hövsan qəsəbəsində quyuya yıxılan şəxs xilas edilib.
Fövqəladə Hallar Nazirliyinin (FHN) Xüsusi Riskli Xilasetmə Xidməti hadisə yerinə cəlb olunub. Əraziyə çatdıqda əməliyyat şəraiti qiymətləndirilmiş və müəyyən edilib ki, 1960-cı il təvəllüdlü Qılıçxan Cəfər oğlu Yarıyev dərinliyi təxminən 5 metr olan quyuya düşərək müxtəlif dərəcəli bədən xəsarətləri alıb və köməksiz vəziyyətdə qalıb.
Xilasedicilər xüsusi xilasetmə vasitələrinin köməyi ilə Q.Yarıyevi quyudan çıxararaq təcili tibbi yardım briqadasına təhvil veriblər.
Hadisə ilə bağlı əlavə məlumat verildikcə ictimaiyyət məlumatlandırılacaq.
