Türkiyədə gənə dişləyən polis xəstəxanada vəfat edib [xfgiven_qirmizi] [xfvalue_qirmizi] [/xfgiven_qirmizi]
Türkiyənin Tokat vilayətinin Zilə rayonunda gənə dişləyən 48 yaşlı polis əməkdaşı xəstəxanada həyatını itirib.
Realmedia.info yerli mediaya istinadən xəbər verir ki, polis əməkdaşı A.K. üç gün əvvəl yüksək hərarət şikayəti ilə Zilə Dövlət Xəstəxanasına müraciət edib.
İlkin müayinədən sonra onun əlavə müalicə üçün Samsun Şəhər Xəstəxanasına göndərildiyi bildirilib.
Həkimlərin bütün müdaxilələrinə baxmayaraq, polis əməkdaşının həyatını xilas etmək mümkün olmayıb.
Məlumata görə, onun Krım-Konqo hemorragik qızdırmasından (KKHQ) vəfat etdiyi ehtimal edilir. Lakin ölümün dəqiq səbəbi aparılacaq ekspertizanın nəticəsindən sonra müəyyənləşəcək.
Hadisə ilə bağlı araşdırma davam etdirilir.
