Bölgələrdə yanğın hadisələrinə səbəb olan 5 nəfər müəyyən edilərək məsuliyyətə cəlb olunub.

Realmedia.info xəbər verir ki, Daxili İşlər Nazirliyinin (DİN) Mətbuat Xidmətinin məlumatına görə, ötən gün Ağsu rayonunun Ərəbmehdibəyli, Cəlilabad rayonunun Alar, Sabirabad rayonunun Nərimankənd və Saatlı rayonunun Qaracalar kəndləri ərazilərində yanğın hadisələri baş verib.

Polis əməkdaşlarının keçirdiyi tədbirlər nəticəsində yanğınlara səbəb olan şəxslər müəyyən edilib.

Araşdırmalar zamanı məlum olub ki, yanğın hadisələri həmin rayonların sakinləri H.Məmmədov, F.Fərəcov, M.Əzizov, S.Şahəliyev və R.Mecdinov tərəfindən törədilib.

Yanğınlar nəticəsində ümumilikdə 2 hektara yaxın ərazidə biçilmiş əkin sahələri və kol-kos sahələri yanıb.

Faktlarla bağlı həmin şəxslər barəsində qanunvericiliyə uyğun tədbirlər görülüb.