Binə qəsəbəsində yanğın baş verib: 700 kvadratmetr ərazi yanıb [xfgiven_qirmizi] [xfvalue_qirmizi] [/xfgiven_qirmizi]
Realmedia.info xəbər verir ki, Bakının Xəzər rayonu, Binə qəsəbəsində açıq ərazidə yanğın hadisəsi qeydə alınıb.
Fövqəladə Hallar Nazirliyindən (FHN) verilən məlumata görə, yanğınla bağlı əraziyə Dövlət Yanğından Mühafizə Xidmətinin qüvvələri cəlb edilib.
Yanğınsöndürənlərin operativ müdaxiləsi nəticəsində qamışlıq ərazidə başlayan alovun genişlənməsinin və yaxın ərazilərə yayılmasının qarşısı alınıb, yanğın qısa müddətdə söndürülüb.
Hadisə nəticəsində açıq ərazidə 700 kvadratmetr sahədə qamışlıq və kol-kos yanıb. Ətraf ərazilər və kommunikasiya xətləri yanğından mühafizə olunub.
