Bakıxanovda çoxmərtəbəli yaşayış binasında baş vermiş yanğın söndürülüb [xfgiven_qirmizi] [xfvalue_qirmizi] [/xfgiven_qirmizi]
Bakı şəhərinin Sabunçu rayonu, Bakıxanov qəsəbəsində yerləşən çoxmərtəbəli yaşayış binasında baş vermiş yanğın qısa müddətdə söndürülüb.
Fövqəladə Hallar Nazirliyindən verilən məlumata görə, hadisə ilə bağlı nazirliyin "112" qaynar telefon xəttinə məlumat daxil olduqdan dərhal sonra əraziyə Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.
Yanğınsöndürənlərin operativ müdaxiləsi nəticəsində alovun digər mənzillərə və binanın digər hissələrinə yayılmasının qarşısı alınıb. Həyata keçirilən tədbirlər nəticəsində yanğın genişlənməsinə imkan verilmədən qısa müddətdə tam söndürülüb.
Hadisə nəticəsində xəsarət alanlar barədə məlumat verilməyib. Yanğının başvermə səbəblərinin müəyyənləşdirilməsi istiqamətində araşdırma aparılır.
