Bakıda azyaşlılar bağlı qapı arxasında köməksiz qaldı – xilasedicilər mənzilə eyvandan daxil oldu [xfgiven_qirmizi] [xfvalue_qirmizi] [/xfgiven_qirmizi]
Bakı şəhərinin Nizami rayonunda azyaşlıların bağlı qapı arxasında köməksiz vəziyyətdə qalması ilə bağlı xilasetmə əməliyyatı həyata keçirilib.
Realmedia.info xəbər verir ki, bu barədə Fövqəladə Hallar Nazirliyi məlumat yayıb.
Bildirilib ki, nazirliyin “112” qaynar telefon xəttinə Nizami rayonu, Nəsimi küçəsində yerləşən yaşayış binasında azyaşlıların mənzildə bağlı qapı arxasında köməksiz vəziyyətdə qalması barədə məlumat daxil olub.
Məlumatla əlaqədar dərhal FHN-in Xüsusi Riskli Xilasetmə Xidmətinin xilasediciləri hadisə yerinə cəlb olunub.
Xilasedicilər alpinist ləvazimatlarından istifadə edərək beşmərtəbəli yaşayış binasının üçüncü mərtəbəsində yerləşən mənzilə eyvandan daxil olublar. Mənzildə olan 2023-cü il təvəllüdlü azyaşlılar xilasedicilər tərəfindən xilas edilərək valideynlərinə təhvil verilib.
