Xocalıda yollar buz bağladı: Vətəndaşlar köməksiz vəziyyətdə qaldı. [xfgiven_qirmizi] [xfvalue_qirmizi] [/xfgiven_qirmizi]
Fövqəladə Hallar Nazirliyinin (FHN) “112” qaynar telefon xəttinə Zəfər yolunun Xocalı rayonunun Baharlı kəndi ərazisindən keçən hissəsində yolların buz bağlaması səbəbindən vətəndaşların avtomobillərdə köməksiz vəziyyətdə qalması barədə məlumat daxil olub.
Qurumdan bildirilib ki, müraciətlə əlaqədar dərhal əraziyə FHN-in Dövlət Yanğından Mühafizə Xidmətinin Şuşa Şəhər Yanğından Mühafizə Hissəsinin yanğınsöndürən-xilasediciləri cəlb edilib.
Hadisə yerində aparılan əməliyyat zamanı yolun buz bağlaması səbəbindən sürüşərək yolun kənarına çıxan və hərəkətini davam etdirə bilməyən “Mercedes-Benz” markalı minik avtomobilində olan vətəndaşlar xüsusi təyinatlı nəqliyyat vasitəsi ilə təhlükəsiz əraziyə təxliyə olunublar.
Bundan əlavə, eyni səbəbdən yolda qalan “Chevrolet” markalı digər minik avtomobilinin də hərəkəti xilasedicilər tərəfindən təmin edilib.
