Kürdəmir rayonunda bədbəxt hadisə baş verib.

Rayonun Şüşün kənd sakini, 43 yaşlı Rəşad Cəfərov kənd ərazisindən keçən su kanalına yıxılaraq həyatını itirib.



Məlumata görə, hadisə iyunun 20-də baş verib. Rəşad Cəfərovun meyiti sudan çıxarılaraq aidiyyəti üzrə təhvil verilib.

Hadisənin şahidi bildirib ki, əraziyə baxış keçirərkən suyun kənarında ayaqqabı görüb və daha sonra Rəşadı kanalda aşkar ediblər. Onu sudan çıxarıb ilkin yardım göstərməyə çalışsalar da, həyatını xilas etmək mümkün olmayıb.

Mərhumun yaxınlarının sözlərinə görə, Rəşad Cəfərov üzməyi bacarmayıb və uşaqlıqdan sudan qorxub. Hadisə zamanı işdən evə qayıtdığı, ehtimal ki, müvazinətini itirərək kanala düşdüyü bildirilib.

Qeyd olunub ki, mərhumun iki övladı olub.

Faktla bağlı Kürdəmir Rayon Prokurorluğunda araşdırma aparılır.