Məşhur aparıcı Nigar Fərhadın həyat yoldaşı, "AID Group" xaricdə təhsil şirkətinin rəhbəri Samir Yəhyazadə barəsində həbs qətimkan tədbiri seçilib.

Realmedia.info xəbər verir ki, bu barədə "Qafqazinfo" məlumat yayıb.



Məlumata görə, hüquq-mühafizə orqanlarının apardığı ilkin araşdırmalar nəticəsində Samir Yəhyazadə Azərbaycan Respublikası Cinayət Məcəlləsinin 178.3.2-ci (külli miqdarda dələduzluq) və 308-ci (vəzifə səlahiyyətlərindən sui-istifadə etmə) maddələri ilə cinayət məsuliyyətinə cəlb olunub.

Məhkəmənin qərarı ilə onun barəsində 3 ay müddətinə həbs qətimkan tədbiri seçilib.

Bildirilib ki, araşdırmalar çərçivəsində "AID Group"un təsisçisi Nigar Fərhad və anası Arzu Əliyeva da hüquq-mühafizə orqanları tərəfindən dindirilib. Hazırda onlarla bağlı araşdırmalar davam etdirilir.

Eyni zamanda, Nigar Fərhadın ölkəni tərk etməsi ilə bağlı sosial şəbəkələrdə yayılan məlumatların həqiqəti əks etdirmədiyi qeyd olunub.

Hadisə ilə bağlı istintaq tədbirləri davam etdirilir.