Ronaldonun 30 milyon dollarlıq "oyuncaq" kolleksiyası: Qarajındakı avtomobillər sərvət dəyərindədir [xfgiven_qirmizi] [xfvalue_qirmizi] [/xfgiven_qirmizi]
Portuqaliyalı futbol ulduzu Kriştianu Ronaldonun lüks avtomobil kolleksiyası dünyanın ən bahalı şəxsi qarajlarından biri hesab olunur. Müxtəlif mənbələrə görə, onun kolleksiyasının ümumi dəyəri 25-30 milyon ABŞ dolları arasında qiymətləndirilir.
Realmedia.info xəbər verir ki, Ronaldo özü də avtomobillərinin dəqiq sayını bilmədiyini, hazırda təxminən 40-41 avtomobilə sahib olduğunu bildirib. O, bu avtomobillərin əksəriyyətini gündəlik istifadə üçün deyil, kolleksiya və investisiya məqsədilə aldığını deyib.
Ronaldonun qarajında dünyanın ən eksklüziv modelləri yer alır. Onların sırasında Bugatti Centodieci, Bugatti Chiron, Bugatti Veyron Grand Sport Vitesse, Ferrari Monza SP2, Ferrari Daytona SP3, McLaren Senna, Rolls-Royce Cullinan, Rolls-Royce Phantom, Lamborghini Aventador, Bentley Flying Spur, Mercedes-AMG G63 Brabus və digər nadir avtomobillər var.
Kolleksiyanın ən bahalı avtomobili isə cəmi 10 ədəd istehsal olunan Bugatti Centodieci hesab olunur. Bu hiperkarın dəyərinin təxminən 8-9 milyon ABŞ dolları olduğu bildirilir.
Mütəxəssislərin fikrincə, Ronaldonun avtomobil kolleksiyası təkcə dəbdəbənin göstəricisi deyil, həm də uzunmüddətli investisiya hesab olunur. Futbolçu nadir istehsal olunan modellərə üstünlük verir və onların əksəriyyətini kolleksiya məqsədilə saxlayır.
