Misli Premyer Liqasında 2026/2027 mövsümünün I turu davam edir.

Realmedia.info xəbər verir ki, bu gün turun ikinci oyun günündə iki qarşılaşma baş tutacaq.

Günün ilk matçında “Araz-Naxçıvan” Qəbələ şəhər stadionunda “İmişli”ni qəbul edəcək. Qarşılaşma saat 18:30-da başlayacaq.

Günün digər oyununda isə son çempion “Sabah” “Kəpəz”lə üz-üzə gələcək. “Bank Respublika Arena”da keçiriləcək görüş saat 20:45-də start götürəcək.

Qeyd edək ki, turun açılış qarşılaşmasında “Turan Tovuz” doğma meydanda “Qəbələ”ni 1:0 hesabı ilə məğlub edib.

I turun digər oyunları avqustun 16-17-də keçiriləcək. Avqustun 16-da “Sumqayıt” – “Neftçi” və “Zirə” – “Şəfa”, avqustun 17-də isə “Qarabağ” – “Şamaxı” qarşılaşmaları baş tutacaq.

Misli Premyer Liqası – I tur

15 avqust

18:30 – “Araz-Naxçıvan” – “İmişli”
Qəbələ şəhər stadionu

20:45 – “Sabah” – “Kəpəz”
“Bank Respublika Arena”

Mövsümün ilk turunda 12 komanda mübarizə aparır. 2026/2027 mövsümü Azərbaycan futbol çempionatının 35-ci milli çempionatıdır.