Azərbaycanın FIFA referisi Əliyar Ağayev UEFA-dan növbəti təyinat alıb.

Realmedia.info xəbər verir ki, bu barədə UEFA-nın rəsmi saytında məlumat yayıb.

Bildirilib ki, Əliyar Ağayev UEFA Konfrans Liqasının pley-off mərhələsinin cavab oyunu çərçivəsində keçiriləcək “Rakuv” (Polşa) – “Hayduk” (Xorvatiya) qarşılaşmasının baş hakimi olacaq.

Əliyar Ağayevə Zeynal Zeynalov və Akif Əmirəli kömək edəcəklər. Görüşün dördüncü hakimi Kamal Umudlu olacaq.

VAR sistemində isə İngiltərəli hakim Piter Benks və azərbaycanlı referi İnqilab Məmmədov fəaliyyət göstərəcəklər.

Qeyd edək ki, “Rakuv” – “Hayduk” qarşılaşması 27 avqustda keçiriləcək. Matç Bakı vaxtı ilə saat 21:00-da başlayacaq.

Beləliklə, Əliyar Ağayevin UEFA klub turnirlərindəki beynəlxalq hakimlik təyinatları davam edir.

Realmedia.info