Ucar rayonunda baş verən yol-nəqliyyat hadisəsi nəticəsində xeyli sayda heyvan tələf olub.

RealMedia.info xəbər verir ki, hadisə Bakı-Qazax magistral yolunun Ucar rayonunun Qaracallı kəndi ərazisindən keçən hissəsində qeydə alınıb.

Məlumata görə, Qazax istiqamətində hərəkətdə olan "Mercedes Vito" markalı avtomobil yolun hərəkət hissəsinə çıxan qoyun sürüsünə çırpılıb.

Nəticədə 20-dən artıq qoyun tələf olub. Hadisə zamanı avtomobilə də ziyan dəydiyi bildirilir.

Qəzanın başvermə səbəbləri araşdırılır. Faktla bağlı müvafiq qurumlar tərəfindən araşdırma aparılır.

Sürücülərə yaşayış məntəqələrindən və kənd təsərrüfatı ərazilərindən keçərkən daha diqqətli olmaları, heyvanların qəfil yola çıxma ehtimalını nəzərə almaları tövsiyə olunur.