Realmedia.info xəbər verir ki, Pakistan Xarici İşlər Nazirliyi ABŞ və İran arasında danışıqların yaxın günlərdə İslamabadda baş tuta biləcəyini açıqlayıb.

Məlumata görə, Pakistan, Türkiyə, Misir və Səudiyyə Ərəbistanının xarici işlər nazirləri ABŞ–İran gərginliyini və mümkün münaqişənin qarşısının alınması yollarını müzakirə ediblər.

Pakistanın xarici işlər naziri Məhəmməd İshaq Dar İslamabadda keçirilən görüşün yekununda bildirib ki, tərəflər regionda müharibənin tezliklə və birdəfəlik qarşısının alınmasının vacibliyi barədə razılığa gəliblər.
Onun sözlərinə görə, münaqişə heç bir tərəfin maraqlarına uyğun deyil:

“Bu müharibə heç kimə faydalı deyil, yalnız itkilərə və dağıntılara səbəb olacaq”.

Nazir əlavə edib ki, tərəflər diplomatik yollarla gərginliyin azaldılması istiqamətində səylərini davam etdirəcəklər.