İran ABŞ tərəfindən münaqişənin başa çatdırılması ilə bağlı təqdim olunan təklifi qəbul etməyib və əvəzində müharibənin dayandırılması üçün öz şərtlərini irəli sürüb.
Bu barədə Press TV telekanalı mənbəyə istinadən məlumat yayıb.

Mənbənin sözlərinə görə, İran münaqişənin nə vaxt bitəcəyinə yalnız öz maraqları çərçivəsində qərar verəcək: “İran müharibəni nə zaman başa çatdırmaq qərarına gəlsə və onun şərtləri təmin olunsa, həmin vaxt proses yekunlaşacaq”.

Bundan əvvəl The New York Times nəşri yazmışdı ki, ABŞ İran tərəfinə Yaxın Şərqdə gərginliyin azaldılması məqsədilə 15 maddədən ibarət sülh planı təqdim edib.

Hazırda tərəflər arasında danışıqların taleyi və mümkün razılaşma perspektivləri qeyri-müəyyən olaraq qalır.