Azərbaycan Prezidenti İlham Əliyev Pakistan İslam Respublikasının Baş naziri Məhəmməd Şahbaz Şərifə Pakistan Günü münasibətilə təbrik məktubu ünvanlayıb.

Realmedia.info President.az-a istinadən xəbər verilir ki, məktubda Prezident İlham Əliyev baş nazirə və Pakistan xalqına ən səmimi təbriklərini çatdırıb. Məktubda iki ölkə arasında möhkəm tarixi və mədəni əlaqələr, ortaq dini-mənəvi dəyərlər vurğulanıb.

Prezident qeyd edib ki, Azərbaycan-Pakistan münasibətləri yüksək səviyyədədir və ali səviyyəli səfərlər, sıx dialoq iki ölkə arasındakı əməkdaşlığın güclənməsinə xidmət edir. Məktubda həmçinin İslamabadda ilk “ASAN xidmət” mərkəzinin açılmasının iki ölkə arasında praktiki əməkdaşlığın əyani nümunəsi olduğu vurğulanıb.

İlham Əliyev məktubunda Azərbaycan və Pakistanın siyasi, iqtisadi, ticari, enerji, müdafiə və humanitar sahələrdə qarşılıqlı faydalı əməkdaşlığını qeyd edərək, strateji tərəfdaşlığın gələcəkdə daha da möhkəmlənəcəyinə əminliyini ifadə edib.

Prezident baş nazirə möhkəm cansağlığı, Pakistan xalqının rifahı və ölkələrarası əməkdaşlığın uğurlu davamı üçün ən xoş arzularını çatdırıb.