Beynəlxalq Şahmat Federasiyası (FIDE) aprel ayı üçün reytinq siyahısını təqdim edib.

Realmedia.info xəbər verir ki, Azərbaycan şahmatçıları arasında ən yüksək nəticə qrosmeyster Şəhriyar Məmmədyarova məxsusdur. Təcrübəli şahmatçı 2715 xalla dünya reytinqində 27-ci pillədə qərarlaşıb.

Digər azərbaycanlı şahmatçılar isə siyahıda belə yer alıblar: Teymur Rəcəbov 2698 xalla 37-ci, Aydın Süleymanlı 2653 xalla 64-cü, Eltac Səfərli 2648 xalla 67-ci, Rauf Məmmədov 2636 xalla 87-ci pillədə yer alıblar.

Qadın şahmatçılarımızdan Ülviyyə Fətəliyeva 2431 xalla 29-cu, Günay Məmmədzadə 2374 xalla 64-cü, Gövhər Beydullayeva 2358 xalla 85-ci, Xanım Balacayeva isə 2350 xalla 92-ci pillədə qərarlaşıblar.

Dünya reytinqində isə norveçli qrosmeyster Maqnus Karlsen (2840) liderdir. ABŞ təmsilçiləri Hikaru Nakamura (2810) ikinci, Fabiano Karuana (2793) isə üçüncü sıradadır.