Şahmat üzrə Azərbaycan çempionatında final mərhələsinin cavab görüşləri böyük gərginlik şəraitində baş tutub.
Realmedia.info xəbər verir ki, rəmzi ilk gedişi Gənclər və İdman naziri Fərid Qayıbov edib.

Finalın diqqət çəkən qarşılaşmasında təcrübəli qrossmeyster Şəhriyar Məmmədyarov ilə gənc və iddialı şahmatçı Məhəmməd Muradlı üz-üzə gəlib. İki görüşün yekununda taleyüklü cavab oyunu həlledici olub.

Ağ fiqurlarla çıxış edən Muradlı soyuqqanlı və hesablanmış gedişləri ilə üstünlüyü ələ alıb və 1,5:0,5 hesabı ilə qalib gəlib. Beləliklə, Məhəmməd Muradlı Azərbaycan çempionu titulunu qazanıb.

Reytinq favoriti Şəhriyar Məmmədyarov ardıcıl ikinci dəfə finalda məğlub olaraq gümüş medalla kifayətlənib.
Qeyd edək ki, çempionat çərçivəsində digər görüşlər hələ də davam edir.