Azərbaycan cüdoçusu Zelim Tçkayev Fransanın paytaxtı Parisdə keçirilən “Böyük Dəbilqə” turnirində gümüş medal qazanıb.
Realxebertv.az xəbər verir ki, 81 kq çəki dərəcəsində çıxış edən idmançı final görüşündə yaponiyalı Yuhei Onoya məğlub olub və yarışı ikinci pillədə tamamlayıb.
Bu gün tatamiyə çıxan digər Azərbaycan təmsilçiləri isə rəqiblərinə uduzaraq turnirlə vidalaşıblar.
Beləliklə, Azərbaycan millisi Parisdə keçirilən “Böyük Dəbilqə” turnirini ümumilikdə 3 medalla başa vurub.
Qeyd edək ki, turnirdə daha əvvəl Balabəy Ağayev (60 kq) qızıl medal qazanıb, Ruslan Paşayev (66 kq) isə bürünc mükafata sahib çıxıb.