Naxçıvanda iki tələbə dəm qazından zəhərlənərək ölüb [xfgiven_qirmizi] [xfvalue_qirmizi] [/xfgiven_qirmizi]
Naxçıvanda faciəvi hadisə baş verib. İki tələbə dəm qazından zəhərlənərək həyatını itirib.
Realmedia.info xəbər verir ki, hadisə Naxçıvan şəhəri, Nizami küçəsi 61 ünvanında qeydə alınıb. İlkin məlumata əsasən, dünyasını dəyişən şəxslər Türkiyə vətəndaşları olan Ahmet və Büşra adlı tələbələrdir.
Hadisə ilə bağlı dərhal hüquq-mühafizə orqanlarının əməkdaşları əraziyə cəlb olunub. Hazırda fakt üzrə araşdırma aparılır, ölümün dəqiq səbəbləri müəyyənləşdirilir.
Qeyd edək ki, dəm qazından zəhərlənmə halları xüsusilə qış mövsümündə artdığından, müvafiq təhlükəsizlik qaydalarına əməl olunması tövsiyə edilir.
