Meksikada ağır qatar qəzası baş verib. Təxminən 250 sərnişini daşıyan sərnişin qatarı hərəkət zamanı relsdən çıxıb.
Realmedia xəbər verir ki, qəza nəticəsində azı 13 nəfər həyatını itirib, 98 nəfər isə xəsarət alıb. Yaralılar dərhal hadisə yerinə cəlb olunan təcili tibbi yardım briqadaları tərəfindən xəstəxanalara çatdırılıb. Bəzi yaralıların vəziyyətinin ağır olduğu bildirilir.
İlkin məlumatlara görə, qəza Meksikanın cənub bölgələrindən birində qeydə alınıb. Hadisə yerinə polis, xilasedici qüvvələr və yerli hakimiyyət orqanlarının nümayəndələri cəlb olunub, ərazidə təhlükəsizlik tədbirləri gücləndirilib.
Qəzanın başvermə səbəbləri hələlik açıqlanmayıb. Məsələ ilə bağlı müvafiq qurumlar tərəfindən araşdırma aparılır.
Hadisə ölkə ictimaiyyətində böyük rezonans doğurub.