Cəlilabadda gənc qadının ölümü ilə bağlı yeni iddialar – Ata: “Dəm qazından boğulması mümkün deyil” [xfgiven_qirmizi] [xfvalue_qirmizi] [/xfgiven_qirmizi]
Cəlilabad rayonunun Üçtəpə kəndində baş verən bədbəxt hadisə ilə bağlı yeni təfərrüatlar açıqlanıb.
Kənd sakini, 23 yaşlı Şükran İsayevanın meyiti yaşadığı evin hamam otağında tapılıb. İlkin məlumatlarda onun dəm qazından zəhərlənərək öldüyü bildirilsə də, mərhumun atası bu ehtimalı təkzib edir.
Ata bildirib ki, qızı hamamda yuyunduqdan sonra huşunu itirib. Onun sözlərinə görə, Şükran İsayevanın ayağında olan şəpitlərdən birinin hamamda, digərinin isə çöldə olması qızının hamamdan çıxmaq istədiyini, lakin buna nail ola bilmədiyini göstərir.
“Qızımın başı hamamın kafelinə söykənmiş vəziyyətdə idi. Ehtimal edirəm ki, ya ürəyi tutub, ya da başı gicəllənərək yıxılıb və başını kafelə vuraraq huşunu itirib”, – deyə mərhumun atası bildirib.
O, həmçinin qeyd edib ki, hamam otağının pəncərəsi açıq olub və bu səbəbdən dəm qazından boğulma ehtimalı real görünmür.
