Türkiyənin xarici işlər naziri Hakan Fidan TRT Haber-ə verdiyi canlı müsahibədə bildirib ki, İsrailin İranda gözlədiyi nəticə baş verməyəcək.

Fidan qeyd edib ki, İranda müharibə yoxdur, lakin ölkədəki real daxili problemlər müəyyən reaksiyalara səbəb olur və İsrail bu vəziyyətdən sui-istifadə etməyə çalışır. Nazir əlavə edib ki, belə addımlar rejimə güclü mesaj göndərir, amma İsrailin ümid etdiyi nəticəni verməyəcək.

Hakan Fidanın sözlərinə görə, xüsusilə İsrailin Baş naziri Benyamin Netanyahunun məqsədi İran rejiminin devrilməsidir və bu artıq gizli məsələ deyil. Nazir həmçinin vurğulayıb ki, İran danışıqlar masasına oturduqda, Tehran üçün həddindən artıq və qəbuledilməz şərtlər irəli sürülür ki, bu da prosesi dalana dirəyir.