Bakıda nəqliyyatın hərəkətinin daha səmərəli təşkili məqsədilə “Koroğlu” Nəqliyyat Mübadilə Mərkəzinin yaxınlığında yeni dəyişikliklər həyata keçiriləcək.

Realmedia.info xəbər verir ki, yaxın günlərdə mərkəzin “Piramida” tərəfi hissəsində hərəkət sxemi yenilənəcək.

Azərbaycan Yerüstü Nəqliyyat Agentliyinin (AYNA) məlumatına görə, avtobusların hərəkətində yaranan ləngimələrin qarşısını almaq üçün ərazidə xüsusi avtobus zolağı yaradılacaq.

Dəyişikliklərə əsasən, digər nəqliyyat vasitələri Milli Gimnastika Arenası və “Koroğlu” dəmiryol dayanacağı istiqamətində yeni hərəkət trayektoriyası ilə hərəkət edəcəklər.

Qeyd olunur ki, yeniliklərin əsas məqsədi ictimai nəqliyyatın rahat və fasiləsiz fəaliyyətini təmin etməkdir.