Dövlət İmtahan Mərkəzi (DİM) tərəfindən rezidenturaya qəbul imtahanının birinci mərhələsinin (baza fənləri üzrə biliklərin qiymətləndirilməsi imtahanı) ikinci cəhdi keçirilib.

Realmedia.info xəbər verir ki, imtahan iyunun 21-də təşkil olunub.

DİM-in məlumatına görə, imtahanın keçirilməsi üçün 6 bina, 6 ümumi imtahan rəhbəri, 14 imtahan rəhbəri, 113 nəzarətçi, 17 buraxılış rejimi əməkdaşı və 6 bina nümayəndəsi ayrılıb.

İlkin məlumatlara əsasən, imtahan zamanı bir nəfərin üzərində mobil telefon aşkarlanıb və həmin şəxs imtahandan xaric edilib.

Bildirilib ki, iyunun 22-dən etibarən imtahan protokollarının və cavab kartlarının emalına başlanılacaq. İmtahan nəticələrinin yaxın üç gün ərzində elan olunacağı gözlənilir.