Prezident İlham Əliyev BƏƏ-nin energetika və infrastruktur nazirini qəbul edib [xfgiven_qirmizi] [xfvalue_qirmizi] [/xfgiven_qirmizi]
Azərbaycan Respublikasının Prezidenti İlham Əliyev mayın 17-də Birləşmiş Ərəb Əmirliklərinin energetika və infrastruktur naziri Suhail Al Mazrouei ilə görüş keçirib.
Görüş zamanı Azərbaycan ilə Birləşmiş Ərəb Əmirlikləri arasında enerji, infrastruktur və investisiya sahələrində əməkdaşlıq məsələləri müzakirə olunub. Tərəflər iki ölkə arasında münasibətlərin müxtəlif istiqamətlərdə uğurla inkişaf etdiyini vurğulayıblar.
Söhbət zamanı enerji layihələri, bərpaolunan enerji sahəsində əməkdaşlıq və regional iqtisadi əlaqələrin genişləndirilməsi məsələlərinə də toxunulub. Görüşdə qarşılıqlı maraq doğuran digər məsələlər ətrafında fikir mübadiləsi aparılıb.
