İlham Əliyev aprelin 17-də Türkiyənin Antalya şəhərində keçirilən Antalya Diplomatiya Forumu çərçivəsində Məhəmməd Şahbaz Şərif ilə görüş keçirib.

Realmedia.info xəbər verir ki, görüş zamanı Azərbaycan ilə Pakistan arasında dostluq və qardaşlıq münasibətlərinin yüksək səviyyədə olduğu vurğulanıb. Tərəflər siyasi dialoqun inkişafından məmnunluqlarını ifadə edərək, qarşılıqlı dəstəyin beynəlxalq platformalarda davam etdiyini qeyd ediblər.

Söhbət zamanı iqtisadi, ticarət və investisiya sahələrində əməkdaşlığın genişləndirilməsi imkanları müzakirə olunub. Enerji, nəqliyyat və infrastruktur layihələri üzrə birgə fəaliyyət perspektivləri də diqqət mərkəzində olub.

Görüşdə həmçinin regional təhlükəsizlik məsələləri və qarşılıqlı maraq doğuran digər mövzular ətrafında fikir mübadiləsi aparılıb.