Serbiya Prezidenti Aleksandar Vuçiç Azərbaycana gəlir [xfgiven_qirmizi] [xfvalue_qirmizi] [/xfgiven_qirmizi]
Aleksandar Vuçiç mayın 17-18-də Azərbaycanda səfərdə olacaq.
Realmedia.info xəbər verir ki, bu barədə Serbiya Prezident Administrasiyasının Mətbuat Xidməti məlumat yayıb.
Bildirilib ki, Serbiya dövlət başçısı Ümumdünya Şəhərsalma Forumu (WUF13)nun Bakı şəhərində keçirilən 13-cü sessiyasında iştirak edəcək.
Məlumata əsasən, açılış mərasimindən sonra Aleksandar Vuçiç BMTnin yüksəkvəzifəli rəsmilərinin, aparıcı qlobal şirkət nümayəndələrinin, eləcə də davamlı inkişaf sahəsində fəaliyyət göstərən beynəlxalq vətəndaş cəmiyyəti təmsilçilərinin çıxışlarını dinləyəcək.
Serbiya prezidenti dövlət və hökumət başçılarının qatıldığı forumun əsas hissəsində çıxış da edəcək. Səfər çərçivəsində A.Vuçiçin forum iştirakçıları və bir sıra yüksəkvəzifəli şəxslərlə görüşlərinin keçirilməsi planlaşdırılır.
