“Bizim meşə fondunun 60 min hektarı vəhşi işğalçılar tərəfindən məhv edilib. Onların əsas hissəsi Kəlbəcər, Laçın rayonlarındadır, amma Zəngilanda da var”.

Realmedia.info xəbər verir ki, bu fikirləri Azərbaycan Respublikasının Prezidenti İlham Əliyev Zəngilan şəhərində sakinlərlə görüş zamanı səsləndirib.

Dövlət başçısı bildirib ki, işğal dövründə Azərbaycanın təbii sərvətlərinə ciddi ziyan vurulub:

“Həm talançılıq, həm düşmənçilik, qəddarlıq, özü də heç bir əsası olmadan. Azərbaycan xalqı erməni xalqına heç bir pislik etməyib. Onların bizə olan nifrətinin səbəblərini, yəqin ki, psixiatrlar, psixoloqlar, həkimlər araşdırmalıdırlar. Nə qədər ki, Ermənistan cəmiyyətində Azərbaycana qarşı nifrət hissi ilə yaşayan siyasi qüvvələr var, bir o qədər də biz ayıq olmalıyıq”, – deyə Prezident vurğulayıb.

Qeyd edək ki, Qarabağ və Şərqi Zəngəzurda işğaldan azad edilmiş ərazilərdə ekoloji bərpa və yenidənqurma işləri mərhələli şəkildə davam etdirilir.