Azərbaycan Respublikasının Prezidenti İlham Əliyev “Sülh və Barışıq üçün Gernika mükafatı”na layiq görülüb.

Realmedia.info xəbər verir ki, Haber Global mövzu ilə bağlı videomaterial hazırlayıb.

Videomaterialda İlham Əliyev Cənubi Qafqazda sülhün memarı kimi təqdim olunur. Qeyd edilir ki, Azərbaycan Prezidentinin irəli sürdüyü sülh təşəbbüsləri beynəlxalq səviyyədə, o cümlədən İspaniyada yüksək qiymətləndirilib.

Reportajda dövlət başçısının çıxışından da sitat gətirilib. Sitatda vurğulanır ki, Gernika faciəsinin tarixi yaddaşını yaşatmaq və sülhə töhfə verən şəxsləri tanıtmaq məqsədi daşıyan bu nüfuzlu mükafata layiq görülmək böyük şərəfdir.

Eyni zamanda qeyd olunub ki, mükafatın 26 aprel – Gernika qurbanlarının anım günündə təqdim edilməsi xüsusi rəmzi məna daşıyır.