ABŞ Prezidenti Donald Tramp Vaşinqtonda baş verən silahlı insidentin İranla əlaqəli olması ehtimalını rədd edib.

Realmedia.info xəbər verir ki, dövlət başçısı hadisədən sonra keçirilən mətbuat konfransında bu barədə danışıb. “Belə düşünmürəm, amma heç vaxt bilmirsən”, – deyə o bildirib.

Eyni zamanda, hadisəni törətməkdə şübhəli bilinən şəxsin məhkəmə qarşısına çıxarılacağı açıqlanıb. Vaşinqtonun federal prokuroru Janin Pirro sosial mediada paylaşım edərək bildirib ki, təqsirləndirilən şəxs maksimum zərər vurmaq niyyətində olub.

Prokuror hüquq-mühafizə orqanlarının operativ müdaxiləsini yüksək qiymətləndirərək qeyd edib ki, məhz vaxtında görülən tədbirlər daha ağır nəticələrin qarşısını alıb.

Qeyd edək ki, insident Ağ Ev Müxbirləri Assosiasiyasının Vaşinqtonda keçirilən tədbiri zamanı baş verib və Prezident Donald Tramp təhlükəsizlik məqsədilə ərazidən təxliyə olunub.