İran ABŞ-la İslamabad danışıqlarının ikinci raundundan imtina etdi [xfgiven_qirmizi] [xfvalue_qirmizi] [/xfgiven_qirmizi]
İran ABŞ ilə İslamabadda keçirilməsi planlaşdırılan danışıqların ikinci raundunda iştirakdan imtina edib.
Realmedia.info xəbər verir ki, bu barədə IRNA agentliyi məlumat yayıb.
Məlumata görə, rəsmi Tehranın bu qərarına səbəb kimi Vaşinqtonun şişirdilmiş tələbləri, qeyri-real gözləntiləri, danışıqlar mövqeyinin tez-tez dəyişməsi və mövcud ziddiyyətlər göstərilib. Həmçinin İran tərəfi ölkəyə qarşı dəniz blokadasının davam etməsini əsas səbəblərdən biri kimi qeyd edib.
Məsələ ilə bağlı İran hökuməti hələlik rəsmi açıqlama verməyib.
Qeyd edək ki, ABŞ Prezidenti Donald Trump bu gün amerikalı nümayəndə heyətinin İranla danışıqların ikinci raundunda iştirak etmək üçün İslamabada yola düşdüyünü açıqlamışdı.
