Aprelin 14-də Ceyhun Bayramov Rusiyanın xarici işlər nazirinin müavini Mixail Qaluzini qəbul edib.

Bu barədə Xarici İşlər Nazirliyi məlumat yayıb.

Görüş zamanı Azərbaycan-Rusiya münasibətlərinin siyasi, iqtisadi-ticarət və humanitar sahələrdə mövcud vəziyyəti və inkişaf perspektivləri müzakirə olunub. Eyni zamanda regional və beynəlxalq təhlükəsizlik məsələləri ətrafında fikir mübadiləsi aparılıb.

Tərəflər qarşılıqlı səfərlərin və yüksək səviyyəli təmasların əməkdaşlıq gündəliyinin inkişafında mühüm rol oynadığını vurğulayıblar.

Həmçinin Azərbaycanla Rusiya arasında iqtisadi əməkdaşlıq üzrə Hökumətlərarası Dövlət Komissiyasının fəaliyyəti müsbət qiymətləndirilib və bu mexanizm çərçivəsində həyata keçirilən işlər müzakirə olunub.

Görüşdə qarşılıqlı maraq doğuran digər məsələlər də nəzərdən keçirilib, gələcək əməkdaşlıq perspektivləri barədə fikir mübadiləsi aparılıb.