Təqaüdə göndərilən 43 yaşlı general-leytenant yenidən vəzifəyə təyin olundu [xfgiven_qirmizi] [xfvalue_qirmizi] [/xfgiven_qirmizi]
Bu yaxınlarda təqaüdə göndərilən 43 yaşlı general-leytenant Babək Qurbanov yenidən yüksək vəzifəyə gətirilib.
Məlumata görə, o, Dövlət Sərhəd Xidmətinin rəisi, general-polkovnik Elçin Quliyevin köməkçisi təyin edilib.
Qeyd edək ki, Babək Qurbanov son olaraq DSX-nin Mərkəzi Aparatının rəisi vəzifəsində çalışıb. O, səhhəti ilə əlaqədar hərbi xidmətdən ayrılıb və bundan sonra fəaliyyətini mülki işçi kimi davam etdirəcək.
Xatırladaq ki, Babək Qurbanov İkinci Qarabağ Müharibəsi zamanı göstərdiyi şücaətə görə “Vətən Müharibəsi Qəhrəmanı” fəxri adına layiq görülüb. Müharibədən sonra ona general-mayor, daha sonra isə general-leytenant ali hərbi rütbəsi verilib.
