Bakıda NATO-nun Mobil Təlim Qrupu tərəfindən təlim kursu təşkil olunub. Kurs Azərbaycan Respublikası Müdafiə Nazirliyi ilə NATO arasında 2026-cı il üzrə “Fərdi Tərəfdaşlıq üzrə Əməkdaşlıq Proqramı” çərçivəsində keçirilib.
Təlim Heydər Əliyev adına Hərbi İnstitutda baş tutub və əsasən rabitə, informasiya sistemləri və kibertəhlükəsizlik mövzularını əhatə edib. Kursun məqsədi hərbi qulluqçuların bu sahələr üzrə nəzəri və praktiki biliklərinin artırılması, eləcə də NATO standartları və müasir texnoloji yanaşmalarla tanış edilməsidir.
Təlimlər NATO-nun Türkiyənin İzmir şəhərində yerləşən Quru Qoşunları Komandanlığının Mobil Təlim Qrupunun mütəxəssisləri tərəfindən aparılıb. Məşğələlər zamanı iştirakçılara rabitə təminatı, informasiya texnologiyaları, kibertəhlükəsizlik və müasir əməliyyat prosedurları ilə bağlı təqdimatlar edilib.
Kursun sonunda iştirakçılara müvafiq sertifikatlar təqdim olunub. Qeyd edək ki, bu cür təlimlər Azərbaycan ilə NATO arasında hərbi sahədə əməkdaşlığın gücləndirilməsinə və şəxsi heyətin peşəkarlığının artırılmasına xidmət edir.