Cari ilin hazırlıq planına uyğun olaraq, Hərbi Hava Qüvvələrinin Təlim və Tədris Mərkəzində “Bort-texnik ixtisası hazırlığı” kursunun buraxılış mərasimi keçirilib.
Tədbir əvvəlcə Ulu Öndər Heydər Əliyevin və Vətən uğrunda şəhid olanların xatirəsinin bir dəqiqəlik sükutla yad edilməsi ilə başlayıb, ardınca Dövlət Himni səsləndirilib.
General-mayor Namiq Bayramov məzunları Müdafiə Nazirliyinin rəhbərliyi adından təbrik edərək, onlara gələcək xidmətlərində uğurlar arzulayıb. Mərasimdə kursların hərbi qulluqçuların bilik və bacarıqlarının artırılmasında, ixtisaslara yiyələnməsində və peşəkarlıq səviyyəsinin yüksəldilməsində əhəmiyyətli rolu olduğu vurğulanıb.
Buraxılış mərasiminin sonunda kursu uğurla bitirən hərbi qulluqçulara sertifikatlar təqdim olunub.